|
|
Нам олонхоhуттара
Нам олоңхоhуттара
П.П.Ядрихинскай – Бэдьээлэ – Саха АССР культуратын үтүөлээх үлэhитэ, ССРС суруйааччыларын союhун чилиэнэ, талааннаах норуот ырыаhыта, биллиилээх олоңхоhут Нам улууhун Көбөкөн нэhилиэгэр төрөөбүт.
Ырыалара-тойуктара: «Ходуhа уhуктуута», «Олоххо айхал», «Тара5ана сайылык», «Дьырыбына Дьырылыатта уонна Тойон Дьөллүүт», «Дьырыбынак Дьырылыатта Кыыс бухатыыр», «Күүрэ Дьулусхан бухатыыр»(ситэриллибэтэх, бэчээттэнэ илик)
Е.Г.Охлопков - Буоратай – ССРС суруйааччыларын союhун чилиэнэ, биллиилээх олоңхоhут Нам улууhун Көбөкөн нэhилигэр төрөөбүтэ.
Олоңхолоро: «300 киhини үрдүнэн өңдөлдьүйэн көстөр үс былас өттүктээх үрүмэччи маңан аттаах Үрүң Уолан бухатыыр», «Күннүк сиртэн күөх оттоон сиир кө5өччөр элэмэс аттаах Күн Эрили бухатыыр», «Сонор хаарын суола көстүбэт кылбай хаарга кылыыта биллибэт киргиллээх Кыыс са5ынньа5ын кэппитинэн төрөөбүт Кириэс Бэргэн».
В.Н.Попов – Бочоох – талааннаах норуот ырыаhыта, биллиилээх олоңхоhут Нам улууhун Хатырык нэhилиэгэр төрөөбүтэ.
Ырыалара: «Мас суха ырыата», «Партия5а таптал», «Хатырыгым хочото», «Өрөгөйдүү туруохпут», «Мастерскойга», «Ыhыы ырыата», «Ат сүүрдүүтэ».
Олоңхолоро: «Көмүс Удааhын», «Үс курдаах Үөлэн Кыырдьыт», «Ынах уола Айдаан бухатыыр».
Г.С.Кычкин – Хабырыанньа – аатырбыт ырыаhыт Мэңэ – Хаңалас улууhун Дойдуунускай нэhилиэгэр төрөөбүтэ. 1943 с. Саха театрыгар ырыаhытынан үлэлии сылдьан Нам улууhугар Үөдэй нэһилиэгэр тахсан олохсуйар. Кини 50 сыл бииргэ олрбут тапталлаах кэргэнэ күн бүгүнүгэр диэри Үөдэйгэ олороллор.
Ырыалара: «Мачайар Баhылай», «Сиппиир ырыата», «Чабычах ырыата», «Кэтэриинэ ойо5ум».
А.Е.Сивцев – Дьиибэ Бытык – биллиилээх олоңхоhут, ырыаhыт Нам улууhун Модут нэhилиэгэр төрөөбүтэ.
Ырыалара: «Остуол ырыата», «Бостуук ырыата», «Остуолба турбут ырыата», «Мачайар Баhылай».
Олоңхолоро: «Тумул хара тыа туман эрдэн киирэрин курдук тунал5аннаах туус маңан аттаах Тойон До5уhуол бухатыыр», «Эр киhи уол о5о Иэйэхсит сиэнэ Элип Хаара бухатыыр», «Орто дойду ороскуоттаах оло5ун оңорорго төрөөбүт Уйунаас Бө5ө бухатыыр», «Иирээннээх – кутур5аннаах Игирэ Хара», «Хардаң эhэ тириитин са5а үктэллээх Хаан Дьолоон бухатыыр», «Эрэйдээх – буруйдаах Эр Со5отох», «Үрүң Уолан».
уо.д.а.
|
| Категория: Мои статьи | Добавил: admin (03.03.2008)
|
| Просмотров: 2377
| Рейтинг: 0.0/0 |
|
Добавлять комментарии могут только зарегистрированные пользователи. [ Регистрация | Вход ] |
| Статистика |
Онлайн всего: 1 Гостей: 1 Пользователей: 0 |
|
